JAVARINUM

JAVARINUM

Prov. Rom. Gravarin Italis, et Rab Hungaris, urbs Pannoniae sup. in Hungaria, munitissima ad versus Turcas, ad Arabonem fluv. ubi is Danubio congreditur, Episcopal. sub Archiep. Strigoniensi, a Posonio 10. leuc. in Austr. a Vienna 13. in Eur. Vesprinium versus. Vide Arabo, sive Arrabo, Ferr. Baudr. haec urbs est parva, sed munita in conf. Austr. Capta fuit a turcis A. C. 1591 proditione Comitis Hardeckii, (qui scelus postea capite luit:) sed postea recepta mirabili audaciâ a Domino de Vaubecourt nobili Gallo, subest etiamnum Austriacis. A Germanis Gewer dicitur, et Gallis Iavarin. Distat 5. Milliaribus Germanis a Comora in Occas. estque in limite ditionis Turcicae, et e regione Schutiae ins.